EconomíaEconomíaÚltima horaViticultura

18 adegas da D.O. Ribeiro representan a Galicia en Alimentaria, en Barcelona

A cita abre hoxe e servirá de expositor dos caldos ourensáns ata o vindeiro 28
Alimentaria pecha as súas portas o vindeiro 28 de abril.
Alimentaria pecha as súas portas o vindeiro 28 de abril.

O Consello Regulador da D.O. Ribeiro e un total de 18 das súas adegas participan esta semana no Salón Internacional de Alimentación e Bebidas, Alimentaria 2016, en Barcelona, do 25 ao 28 de abril. En calidade de representantes do consello regulador acoden a esta cita ademáis o presidente e a xerente, Felicísimo Pereira e Cristina Alcalá.

A feira está dirixida a prescriptores, medios de comunicación e críticos do mundo ad alimentación e bebidas, que se celebra con carácter internacional e cada dous anos. Neste contexto, a D.O. Ribeiro participa como representante da marca “Galicia”, confrontando os caldos ourensáns con productos procedentes de países como Suecia, Holanda, Alemania, Porto Rico, Estados Unidos ou Xapón.

Máis polo miúdo, as adegas que levan a marca “Galicia” ao eido internacional son Viña Costeira, Casal de Armán, Pazo Casanova, Alanís, Antonio Montero, Viña da Cal, Terra do Castelo, Eduardo Peña, Gomariz, Eloi Lorenzo, Manuel Rojo, Mauro Estévez, Quinta do Rebolo, Pousadoir, Val de Souto, Nairoa, Ramón do Casar e Viña Mein. Ofrecen ao público máis de 50 viños entre brancos, tintos e tostados.

 

Artigos relacionados

Back to top button