Tras a celebrada en Vilamartín en febreiro, tiña lugar outra na Rúa o 11 de xaneiro
No marco do proxecto “Construído Futuro”, o BNG está a desenvolver diversas asembleas cidadás abertas na comarca de Valdeorras. En decembro celebrábase unha en Vilamartín e na pasada fin de semana, o 11 de xaneiro, tiña lugar outra na Biblioteca Municipal da Rúa.
“O obxectivo é recoller propostas e suxestións de cara ás eleccións municipais de maio de 2015”, segundo indican dende o BNG. Nesta asemblea participaba tamén un amplo grupo de emigrantes retornados de Valdeorras para escoitar as explicacións de varios membros da Plataforma de Emigrantes Retornados de Ourense, encabezados pola súa portavoz, Carmen Bolaño, convidada ao acto.