Na tarde do xoves 25 de setembro, a directiva da asociación de amas de casa “O Teixadal” do Barco de Valdeorras, convocaba a reunión anual para informar ás asociadas sobre o inicio das actividades que terá lugar no mes de outubro.
As primeiras en comezar serán as clases de bailes de salón impartidas por Manuel e Evelyn. Uns días despois, a segunda quincena de outubro, farano as de punto canario (luns de 16 a 18h. e venres de 16 a 19h.), e as de manualidades, restauración e pintura ao óleo (os mércores de 17 a 19h.). A presidenta do colectivo Charo Gutiérrez, adianta que tamén están intentando conseguir un curso de cestería, aínda que de momento non está confirmado.
As asistentas á reunión puderon comprobar de primeira man a reforma levada a cabo na sede ubicada no Chao, logo de que as chuvias do pasado inverno inundarán a parte baixa, tendo que reagruparse no primeiro andar, e incluso cancelar algunhas das actividades previstas. Tal como explica Charo, o resultado das obras, levadas a cabo pola empresa contratada pola aseguradora, foi moi bo e “temos a sede totalmente reformada” asegura.
Foto: Carlos G. Hervella.