CulturaCulturaGalerías de fotosÚltima hora

A Banda de Música do Barco e Son do Sil, na televisión galega

Actuaban no programa “Aquí Galicia” que se emitía en directo dende a praza Andrés de Prada do Barco

 

Pasadas as catro e media da tarde do 21 de xaneiro comezaba a emisión do programa “Aquí Galicia” dende a praza Andrés de Prada do Barco. Intercalando conexións co polideportivo da vila, onde se estaba a desenvolver a XVII Festa do Botelo, o espazo incluía unha serie de actuacións musicais entre as que estaban as de Son do Sil e a Banda de Música do Barco.

Primeiro interviña un dos membros de Son do Sil, quen falaba do novo disco que está a preparar a formación musical, e logo interpretaban “Quiéreme siempre”. Pouco despois, subíase ao escenario a Banda de Música do Barco, con medio cento de integrantes de diferentes puntos do oriente ourensán. O seu director, Manuel Prada, explicaba este proxecto musical e de seguido interpretaban “Flashdance”.

Son do Sil volvía a actuar máis tarde, desta volta cantando “Al calor del amor en un bar”. E xa ás sete menos cuarto soaba de novo a Banda de Música do Barco, desta volta acompañada pola Banda de gaitas da vila. Interpretaban a peza “Viloira”, composta por Ricardo Courtier.

 

Fotos: Ángeles Rodríguez.

Artigos relacionados

Back to top button