Amplíase a oferta de probas de BTT en Valdeorras. O vindeiro 26 de novembro terá lugar a primeira edición da BTT Trevinca A Veiga, cun percorrido de 30 km e cun desnivel de 600 m. A proba comezará ás dez da mañá. O seu percorrido rodea o encoro de Prada e vai pola senda do Xares.
As persoas interesadas en participar poderán realizar a súa inscrición a través do correo trevincabtt.galitiming.com. O prezo da inscrición é de 10 euros e inclúe dorsal, avituallamentos e seguros e un bono comida (4 euros), entre outras cuestións.