Casaio celebra o día grande das Festas do Corpus

A orquestra Aché actuará hoxe en sesión de tarde e verebena

O Corpus Christi é unha data que celebran con solemnidade na localidade de Casaio (Carballeda de Valdeorras). Organizada coma sempre pola Xunta de Montes en Man Común, a festa en Casaio comezaba o venres 16 de xuño pola noite coa actuación da discoteca móbil Venus Dibao de Ponferrada pero é hoxe, sábado día 17, cando ten lugar o día grande.

A charanga Los Trasnochadores de León foi a encargada de anuncialo cun pasarrúas polo pobo así como o acompañamento musical da procesión que percorreu, baixo un intenso sol, as rúas da localidade. Tal como explica o párroco Juan José Prieto, ao tratarse dunha celebración sacramental, primeiro tiña lugar a eucaristía prevista para as 12:30h. para continuar coa procesión. Pola tarde haberá xogos infantís para os máis pequenos.

No apartado musical atopamos un dos principais atractivos das festas: a actuación da orquestra Aché, unha das máis destacadas do panorama galego que chegará a Casaio para facer bailar aos asistentes ata altas horas da madrugada. A festa rematará mañá domingo 18 de xuño, coa actuación dun trío musical en sesisón de tarde longa, sen verbena.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies