Ata catro incendios en Vilariño de Conso

Tres están activos en Chaguazoso (cunhas 400 has queimadas), Sabuguido e Castiñeira, e un cuarto estabilizado en San Cristovo

Un dos lumes de Vilariño de Conso./ Foto: Brif Laza.

Vilariño de Conso está sendo o concello galego máis afectado polos lumes forestais. Nestes momentos neste municipio hai catro incendios dos cales tres están activos e un cuarto estabilizado, segundo os últimos datos feitos públicos pola Consellería do Medio Rural.

O que máis tempo leva é o de Chaguazoso, activo desde as 16:59 h. do mércores día 11 de outubro. Segundo as últimas estimacións provisionais, afecta a arredor de 400 hectáreas. Na súa extinción levan traballado 12 axentes, 29 brigadas, 13 motobombas, 2 pas, 8 helicópteros e 3 avións.

Ademais está activo desde as 10:00h. de onte outro lume en Sabuguido. Segundo as primeiras estimacións afecta máis de 50 hectáreas. Na súa extinción levan traballado 2 axentes, 2 brigadas, 1 motobombas. Tamén activo permanece o de Castiñeira dende as 03:45 h. da madrugada do xoves. Afecta provisionalmente unhas 30 hectáreas. Na súa extinción levan traballado 4 axentes, 13 brigadas, 11 motobombas, 1 pa, 3 avións e 2 helicópteros.

Hai asemade un cuarto lume en San Cristovo que se encontra estabilizado desde as 21:10 h. de onte. Afecta provisionalmente máis de 50 hectáreas. Na súa extinción levan traballado 2 axentes, 3 brigadas e 4 motobombas.

A maiores no oriente ourensán rexístrase outro lume activo en Paradela, no concello de Manzaneda. Comezaba onte ás 23:36h. Arestora afecta provisionalmente a unhas 20 hectáreas. No seu control traballan 3 axentes, 10 brigadas, 9 motobombas e 1 pa.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies