O relatorio estivo impartido por Antonio Mosquera, experto da Policía Nacional en delitos informáticos
A Confederación Empresarial de Ourense acolleu onte, 26 de setembro, unha charla sobre as fraudes informáticas a empresas. Estivo a cargo de Antonio Mosquera, experto do Corpo Nacional de Policía en delitos informáticos. No acto estivo acompañado por Teresa Ramos Seguín, delegada de Participación Cidadá no Corpo Nacional de Policía. A presentación correu a cargo de Juan Manuel Piñeiro, tesoureiro da CEO. Entre os asistentes, o fiscal xefe da Audiencia provincial de Ourense, Florentino Delgado.
O conferenciante explicou cales son os delitos máis frecuentes no ataque a equipos informáticos de empresas, así como as medidas que as forzas de seguridade aconsellan tomar para incrementar a seguridade dos negocios.