Este xoves, 14 de decembro, celebrarase un foro titulado “Solucións concretas ao problema do botellón” na delegación provincial da Xunta en Ourense ( Casa de Chocolate). O prazo de inscripción, informan dende o Concello de Ourense, permanece aberto.
Esta cita concentrará a expertos de campos tan diversos coma os servizos sociais, a sanidade e conductas aditivas, colectivos xuvenís, seguridade, educación, psicoloxía e socioloxía, xunto a representantes do propio Concello de Ourense. O foro está organizado pola Fundación Galega contra o Narcotráfico.
As propostas dos expertos serán elevadas ás administracións competentes e autoridades para que sexan de aplicación inmediata.
Dende o consistorio resaltan que este foro é co obxectivo de “reducir as altas taxas de consumo de alcól”, algo que cualifican como problema sanitario “de primeira magnitude na sociedade actual” con importantes causas e derivacións de orde psicolóxico e social que afectan a toda a comunidade. Aseguran que o problema toma especial relevancia e gravidade no relativo ao consumo na mocidade, porque incrementa notablemente as posibilidades de acción, así como polos graves danos sanitarios, psicolóxicos e de relación que comporta.
