A Aula Uned A Rúa, ubicada no colexio Manuel Respino, ten programado un novo curso de extensión universitaria. Nesta ocasión trátase dun curso de inglés profesional para o turismo, dirixido ao público en xeral cun nivel mínimo de inglés B1, que se impartirá os días 24 e 25 de novembro e 1 e 2 de decembro (venres de 16 a 21 horas e sábado de 10 a 14 e de 16 a 19 horas).
En total son 30 horas lectivas (24 presenciais e 6 online) impartidas por Alexandre Fernández Ramos, Diplomado en Turismo e Grao en Estudos Ingleses pola UNED, e quen desexe asistir deberá cumprimentar a matrícula antes do 22 de novembro. En total son 25 as prazas ofertadas e o custe é de 55 euros ordinaria, 45 euros para estudantes e guías turísticos e 30 euros para desempregados.
O curso está estruturado en seis unidades tratando temas como formas de viaxar e aloxamento, información e industria turísticas, abastecemento, a indutria do turismo local ou novas propostas como o viño como recurso turístico, entre outros.
