A D.O. Ribeiro, trending topic na fin de semana

Quince comunicadores dixitais dos máis importantes de España do sector do viño e gastronomía visitaban esta denominación ourensá

Comunicadores dixitais participantes neste encontro no Ribeiro.

O Consello Regulador da Denominación de Orixe Ribeiro organizaba na fin de semana do 14 e 15 de xaneiro unha acción na que participaban 15 dos comunicadores dixitais máis importantes de España do sector do viño e gastronomía visitaron. Os profesionais viñan dende Sevilla, Málaga, Barcelona, Asturias, Alicante ou Madrid. Esta iniciativa levou ao Ribeiro a ser TT (trending topic) durante o sábado e o domingo, acadando os 500.000 usuarios e os 4,5 millóns de tweets servidos.

Trátase dun proxecto novo, xa que participaron na primeira acción formativa e divulgativa da cultura do viño da D.O. Ribeiro baixo o hastag #DescubreRibeiro. “Cremos que a mellor forma de amosar o que é o Ribeiro e vivir una experiencia xenuína é que a xente coñeza a paisaxe, o viñedo, o viticultor e os viños no territorio”, comenta a Cristina Alcalá, xerente do Consello Regulador da D.O. Ribeiro.

O programa incluía unha sesión formativa teórica sobre a D.O. Ribeiro e unha parte práctica con visitas a adegas e lugares emblemáticos, tamén a viñedos, encontros con enólogos e viticultores, así como coñecemento da gastronomía da zona. A pretensión do Consello Regulador é proporcionar unha visión ampla e próxima do Ribeiro, da súa historia e seus viños, seu pasado, presente e futuro, ademais de dar a coñecer as características que fan ao Ribeiro e seus viños especiais e diferentes, tal e como destacan dende este órgano réctor.

Este Plan de Formación, que se iniciaba no ano 2017, busca “proporcionar o coñecemento e as ferramentas adecuadas para difundir os valores da denominación de orixe, así como entender as inquietudes, visión e demandas tanto de comunicadores como consumidores potenciais dos vinos do Ribeiro”, segundo o seu consello regulador. Este achegamento á interpretación da vida e paisaxe do Ribeiro completouse coa entrega dun diploma acreditativo aos asistentes.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR