Un mes despois da presentación da colleita do 2016 en Santiago de Compostela, a Denominación de Orixe Valdeorras prepara un novo acto promocional dos seus viños, desta volta en Madrid. Terá lugar na Casa de Galicia o vindeiro luns, 24 de abril. De novo, estará presentado polo coñecido actor galego Javier Veiga.
As adegas da comarca interesadas en participar neste acto están a enviar as súas referencias de viño nestes días ao Consello Regulador, para que sexan trasladadas a Madrid. Ata o momento teñen confirmada a súa participación unhas 20 adegas, que levarán máis de 50 referencias distintas de brancos e tintos de Valdeorras.
Neste acto espérase contar coa presenza de destacados representantes do eido político, institucional, económico-empresarial e social de Madrid; así como de distribuídores e restauradores.
