EconomíaEconomíaÚltima hora

A Deputación achegará 100.000 euros ás “antenas locais” da Cámara de Comercio do Barco e Verín

 

Xuntanza tras a visita.

O presidente da Deputación , Manuel Baltar, visitou hoxe, 27 de marzo, o viveiro de empresas da Cámara de Comercio de Ourense, situado no Parque Tecnolóxico de Galicia. Na súa visita, o presidente do goberno provincial estivo acompañado polo presidente da entidade cameral, Juan Carlos Parada, e os membros do Comité Executivo da Cámara. No seu percorrido visitaron algunhas das empresas ubicadas no edificio. Baltar destacou as liñas de colaboración que mantén a Deputación de Ourense coa Cámara de Comercio, relacionadas cos ámbitos da internacionalización, a promoción de Ourense e a cooperación para explorar canles de negocio e competitividade, froito do cal a institución provincial achegará este ano un total de 100.000 euros para potenciar as “antenas” do Barco e Verín e o viveiro de empresas da Cámara.

Na actualidade, case a metade dos niños de empresa cos que conta o viveiro atópanse ocupados por emprendedores “que desenvolven na súa maioría proxectos do ámbito tecnolóxico”, segundo afirmou Juan Carlos Parada. Estas instalacións da Cámara de Comercio no Parque Tecnolóxico foron inauguradas no ano 2004, e contan con 16 niños, cun espazo de entre 16 e 20 metros cadrados, e zonas comúns como salas de formación e usos múltiples e salón de actos. O tempo de estadía nos niños é de 12 meses, prorrogables por un ano ata un prazo máximo de cinco anualidades.

 

Artigos relacionados

Back to top button