O concerto será o vindeiro 24 de novembro no Teatro Principal ás 20:30 horas
O Ciclo de Lírica de Outono de Ourense chega á súa segunda edición. Segundo contou na presentación de hoxe, 21 de novembro, o alcalde de Ourense, Jesús Vázquez, o festival abrirase coa gran diva internacional da ópera Cristina Gallardo Domas o vindeiro 24 de novembro, que estará acompañada ao piano por Juan Durán, un dos mellores compositores galegos da actualidade, e xuntos amosarán “Puentes de Amor”, os temas que compoñen o disco que grabaron o mes pasado na cidade. Ambos os dous estiveron na presentación de hoxe xunto coa concelleira de Cultura, Belén Iglesias.
Todos os concertos serán ás 20:30 horas no Teatro Principal e o custe das entradas oscilará entre os 5 e os 8 euros.