María Caseiro e Carla Trincado están convidadas ao acto de recoñecemento da USC aos mellores expedientes académicos
Valdeorras conta con moi bos estudantes e unha mostra máis deste feito, son as dúas alumnas do IES Martaguisela do Barco de Valdeorras que figuran entre as mellores de Galicia. María Caseiro Arias e Carla Trincado Rodríguez están convidadas ao acto de recoñecemento aos mellores expedientes académicos que organiza a Universidade de Santiago de Compostela (USC) e que terá lugar o venres 30 de xuño ás 18 horas, no Pazo de Congresos de Santiago de Compostela.
Dende a comunidade educativa do instituto barquense felicitan a María e Carla “polo seu esforzo e os seus resultados académicos”.