Nos quioscos e librerías xa pode atoparse o número de xuño do Periódico O SIL. Nesta edición abordamos de xeito amplo na reportaxe de En Portada as consecuencias das intensas xeadas que a finais de abril asolaban os viñedos de boa parte da provincia de Ourense e do sur de Lugo, así como os castiñeiros e a floración vital para a apicultura nas zonas altas do oriente ourensán.
Ademais, entre outros contidos, incluímos unha entrevista co presidente da Confederación Empresarial de Ourense (CEO), José Manuel Pérez Canal.
