Emotivo adeus ao profesor de karate valdeorrés José Luis Puente

Alumnos de diferentes xeracións acompañaban, vestidos co quimono, á súa familia e amigos no funeral

Cun saúdo como o que el lles ensinou nas súas clases de karate e co mesmo respecto e agarimo que sempre lles transmitiu, diferentes xeracións de alumnos despedían ao profesor de karate valdeorrés José Luis Puente Murias. Facíano ademais vestidos co quimono branco, a mesma vestimenta que levaba a súa viúva Mary, nun sentido e multitudinario funeral que se celebraba na mañá do 10 de setembro na igrexa de Veigamuíños (O Barco).

Durante a cerimonia relixiosa interviña en nome da familia a súa irmá Elisa para lembrar, moi emocionada, a figura do seu irmán, destacando a súa honestidade e humildade, “era un grande entre os grandes. O que conta é pasar por este mundo e deixar unha pegada, unha pegada moi grande que quedará toda a nosa vida e seguirá cando nós marchemos de aquí”. Ademais amosaba o seu agradecemento “por esta compaña e este consolo que tivemos por parte de todos vos”. Tamén pedía un gran aplauso para o seu irmán, que “estou convencida de que vai facer algo grande alá no ceo por todos nós”.

Posteriormente, os asistentes acompañaban a pé o féretro de José Luis Puente ata o cemiterio de Veigamuíños onde lle daban o último adeus cunha agarimoso saúdo propio do karate, unha das moitas ensinanzas que este profesor valdeorrés tan querido compartiu con eles no Riverstone, nas escolas ou no Kárate Club Barco, e a quen seguro nunca esquecerán.

Máis información:
http://www.osil.info/valdeorras-despidese-profesor-de-karate-jose-luis-puente-murias/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies