Dunha bonita tarde de fútbol desfrutaban os afeccionados na tarde do 22 de xaneiro no Aguillón. Dun lado do campo, de amarelo e azul o C.D. Rúa de Javi Ferrer e do outro, de vermello e negro o Loñoá C.F. de Julio Vázquez.
Despois dunha primeira parte dominada polos locais que marchaban para o vestiario cun gol de vantaxe (obra de Juan no minuto 18), os visitantes reaccionaban e lograban empatar grazas ao gol de Elvis no minuto 48. A partires de aí o resultado xa non se movería, rematando o encontro correspondente á xornada 18 en segunda autonómica, co 1-1 no marcador e reparto de puntos. Con respecto ás sancións, o colexiado sacaba oito cartóns amarelos para o conxunto local, incluído o míster.
Con este resultado, o C.D. Rúa sitúase no 8º posto da clasificación, con 27 puntos. O próximo partido será no campo do C.D. Palmes.
Fotos: Mónica G. Bellver
