As enfermidades de obstrucción respiratoria crónicas afectan ao 9% dos ourensáns

O CHUO organiza esta fin de semana as VII Xornadas sobre Patoloxía Respiratoria en Atención Primaria dedicada á formación de profesionais na materia

José Abal, Eloína Núñez e Pedro Marcos Velázquez.

Ao redor do nove por cento da poboación da provincia padece unha enfermidade pulmonar obstrutiva crónica ou EPOC. Segundo o xefe de servizo de Neumonía do CHUO, José Abal Arca, asegurou que isto se traduce, máis ou menos, 20.000 pacientes. Por este motivo, o Complexo Ourensán acollerá, o venres 17 e o sábado 18 de febreiro as VII Xornadas sobre Patoloxía Respiratoria en Atención Primaria.

Segundo este profesional, coas EPOC hai un problema de infradiagnose, é dicir, nos últimos anos dotáronse de técnicas de espirometría aos centros de saúde e deuse formación aos médicos de Atención Primaria e enfermería. Pero os profesionais ven que a formación ten que continuar “para gañar a loita de atallar a enfermidade o antes posible para intentar tratala cos medicamentos que dispoñemos”. En canto ao perfil do paciente, soe ser unha persoa maior de 35 anos, dixo Abal, e tamén soen ser fumadores. Por outra banda, en canto á diagnose tardía, o doutor asegurou que moitas veces “os pacientes non lle dan importancia aos síntomas que presentan ou o propio profesional non o detecta porque non se lle fan as probas básicas fundamentais para o diagnóstico”.

Neste senso, a xerente da Unidade de Xestión Integrada de Ourense, Eloína Núñez, contou que con estas xornadas o que pretenden é “incorporar o servizo de neumoloxía e os centros de saúde, xa que a poboación da nosa provincia está moi envellecida e isto integrará mellor o hospital coa Atención Primaria”.

O xefe de Neumoloxía, José Abal, está dentro do comité organizador destas xornadas que se veñen facendo dende hai 14 anos. No eido do programa, Abal asegurou que o a intención era que fose “interesante para os profesionais de Atención Primaria”. Tendo en conta isto, nestes dous días haberá catro mesas. A primeira será a mesa sobre a tuberculose, na que falarán sobre o Plan Galego de Tuberculose “que se puxo en marcha en 1996 e foi un traballo moi bo xa que conseguíu diminuír o número de casos de tuberculose na provincia a 9/100.000 habitantes, a máis baixa de Galicia”, informou Abal. A segunda mesa tratará sobre o cancro de pulmón, na que falarán do seu tratamento con quimioterapia e os tratamentos que fan fronte ás mutación. Nesta primeira xornada tamén haberá dous obradoiros; un de espirometrías, para medir o fluxo regular de aire; e outro de inhaladores “dedicados fundamentalmente para o persoal de enfermería”.

A segunda xornada versará, por un lado sobre as EPOC e outra sobre cronicidade. Segundo dixo o xefe de servizo de Neumoloxía, José Abal, a poboación de Ourense “está moi envellecida e ten moitas enfermidades crónica que interesan, non só á atención primaria e ao CHUO, senón tamén á Xerencia, xa que consumen moitos recursos económicos e asistenciais”, asegurou. Nestas mesas falarase do que aporta o hospital de día a estes pacientes e cal é o manexo dos mesmos dende o punto de vista de Atención Primaria.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies