A Facultade de Ciencias Empresariais e Turismo do Campus de Ourense acollía na mañá do 25 de novembro o acto de entrega do II Premio de Investigación do Colexio de Economistas de Ourense.
O primeiro premio correspondíalle a Alba Rodríguez Rosales polo seu traballo sobre “Influencias dos estilos de liderado nas organizacións. O caso das empresa de servizos avanzados”.
Ademais do primeiro premio, entregáronse dous accésit, un a Amara Gallego García por un traballo sobre “Indicadores de sostibilidade turística” referido a aplicación da capacidade de carga á festa do Pulpo do Carballiño, e outro a Miguel Ángel González Faílde por un traballo sobre o “Mercado do automóbil”. Os traballos galardoados foron editados pola Deputación de Ourense.
Neste acto estiveron presentes o presidente da Deputación de Ourense, Manuel Baltar, o decano do Colexio de Economistas de Ourense, Guillermo Díez; a decana da Facultade de Ciencias Empresariais e Turismo de Ourense, Elena Rivo, e o director de Área de Planificación do Campus de Ourense, José María Failde Garrido.
