Estivel Martínez imponse no II Night Trail Quiroga

320 participantes competiron nas tres distancias na noite do 8 de xullo

Por segundo ano consecutivo, a segunda fin de semana do mes de xullo Quiroga converteuse no epicentro deportivo galego coa disputa de dúas competicións con participantes chegados dende as catro provincias e algúns de fóra: o II Night Trail Quiroga e o II Torneo Val de Quiroga de fútbol sala feminino.

Un total de 320 participantes distribuidos en 3 distancias: 26km, 17 km e 10 km (as dúas últimas podían facerse en forma de andaina), participaban na carreira nocturna celebrada o sábado. Xa durante toda a tarde houbo diversas actividades como Zumba para entrar en calor e unha pancetada amenizada por “DJ Michel”, creando un gran ambiente nas rúas de Quiroga para presenciar a proba que comezaba ás dez da noite.

Na carreira máis longa, de 25 quilómetros, os gañadores foron Estivel Martínez Medida que fixo un tempo de 02:13:48 e Vanessa Berdejo Morales (02:42:50). Os locais máis rápidos foron Juan Luis Aguado e Mónica Rodríguez.

Na proba de 17 quilómetros, os primeiros en chegar a meta foron Álvaro Iglesias López cun tempo de 01:26:46 e Silvia Fernández Aguado (01:32:35). Os mellores locais nesta carreira foron Manuel López e María Rodríguez.

E xa na proba máis curta, de 10 quilómetros, os gañadores foron Rubén Vázquez Vázquez e María Martínez Medina. Os locais máis rápidos foron José Manuel Ortega “Chufi” e Aura Pacheco.

Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies