“O fogar do porco bravo” do Manolo’s gana o III Concurso de Tapas Micolóxicas de Trives

Neste certame, organizado polo Club Montaña Trives, o segundo posto conseguíao a tapa do Bodegón e o terceiro a do Boliche

Multitude de persoas sumábanse á terceira edición do Concurso de Tapas Micolóxicas, que se desenvolvía do 10 ao 12 de novembro en Trives. Esta singular iniciativa gastronómica formaba parte das XVIII Xornadas Micolóxicas que promove o Club Montaña Trives.

Neste concurso participaban un total de dez establecementos de hostalaría da vila que durante a fin de semana servían, ao prezo de 1,5 euros por tapa, outras tantas propostas diferentes que tiñan como ingrediente principal os cogomelos. Destacaba a variedade e orixinalidade das tapas, que atraían a numerosas persoas. Así o Casanova apostaba polas “albóndegas micolóxicas”, O Bodegón presentaba “Nido de Setas”, o Sky o “Falso Puigdemont na salsa 155”, o Manolo’s “O fogar do porco bravo”, o San Martín “Mar e montaña”, o Paíño “Champiburger”, O Boliche “Fabuliche”, A Cantina do Catro “Empanada cantina de outono”, O Lar da Alicia “Bocado de outono” e o Quintela “Crema de champiñóns con picatostes”.

Os participantes nesta suculenta ruta podían valorar as tapas e emitir o seu voto nunhas fichas que podían recollerse en cada un dos establecementos do concurso. Para ser considerada válida, a papeleta debía ter o selo de catro ou máis locais. Ademais de puntuar para escoller á mellor tapa, esta papeleta, que logo se depositaba nas urnas que había nos bares, daba opción a participar nun sorteo de diversos agasallos que se celebraba ás 17h. do domingo 12 de novembro na praza de Reloxo. Nese mesmo acto facíase público o nome da tapa máis votada que, nesta edición, era a elaborada polo Manolo’s. “O fogar do porco bravo” tiña como ingredientes carne de xabarín, trufa, panceta, mostaza, ovo, pemento, e por suposto, cogomelos.

A segunda tapa mellor valorada era a do Bodegón, o “Nido de setas” cuxos ingredientes eran cogomelos, queixo azul, noces e tartaleta de “hojaldre”. En terceiro lugar quedaba a proposta do Boliche, o “Fabuliche” con polo, chourizo, champiñóns, alubias, fariña, cebola, pemento e caiena.

Fotos: Carlos G. Hervella.
Máis información e fotos sobre as Xornadas Micolóxicas:
http://www.osil.info/unha-exposicion-broche-das-xviii-xornadas-micoloxicas-club-montana-trives/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies