Foliada e baile como broche dos VII Cantos de Taberna en Trives

Media ducia de grupos, boa parte deles da zona, sumábanse a esta iniciativa festiva organizada pola Caniceira e que percorría doce bares da vila

A partires da medianoite a praza do Reloxo de Trives íase enchendo de moita música, cor e bailes. Ata alí ían chegando os grupos participantes na exitosa sétima edición dos Cantos de Taberna, que organiza nesta vila a Asociación Cultural A Caniceira.

En total eran seis as agrupacións desta edición, a meirande parte delas da zona. Tratábase de As Macizas Centrais (Trives), Sómosche d’Herbas, Manzaneda Banda, San Nordés (Trives) e Ponte Louco (Castro Caldelas). A súa ruta polos doce bares de Trives participantes nesta ocasión iniciábase ás oito e media da tarde. Despois volvían a reunirse na praza do Reloxo, onde tocaban algunhas pezas xuntos e outras por separado, mentres o público se sumaba á festa bailando.

Xa ao redor das 12:30h. da noite tiña lugar a entrega de diplomas aos grupos en agradecemento pola súa participación. Houbo tamén unha mención ao Periódico O Sil pola cobertura desta iniciativa cultural e festiva. Logo, seguía a festa na praza.

Estes cantos de taberna abrían ademais a IX Mostra de Patrimonio Inmaterial de Trives, promovida asemade pola A.C. A Caniceira, e que desenvolverá nesta fin de semana do 12 e 13 de agosto un completo programa de actos, entre os que figura o Entroido de Verán.

Fotos: Carlos G. Hervella.

Máis fotos:
http://www.osil.info/os-vii-cantos-de-taberna-de-taberna-de-trives-imaxes/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies