Tódolos días podemos atopar nos diversos medios informativos, noticias relacionadas co mundo tecnolóxico, especialmente coa informática. Faise tan evidente, que non podemos negar esa presenza. Pero a cuestión é se poderemos manexar esa tecnoloxía, ou a que veña logo.
É dicir, cómpre porse rápidamente a informarse sobre o tema. Un bo comezo para as persoas que non están na onda tecnolóxica, é o de se atrever a empregar os reproductores de música portátiles máis coñecidos coma “mp3”, ou aventurarse a emprega-lo computador. Si!
O computador! Ese “electrodoméstico” pode dar moito máis de si que escribir documentos, envialos por correo electrónico, ou xogar.
Por exemplo, grazas á extensión “DownloadHelper” para o navegador web Firefox, o máis empregado en Europa e software libre, e á web SeriesYonkis.com, poderemos ver no PC as nosas teleseries favoritas ou mesmo descargalas. Cun PC poderemos facer cálculos soberbios en menos dun segundo, ou tamén poderemos descargar todo tipo de contidos ó máximo que nos permita a nosa conexión a internet empregando programas P2P coma o utorrent, ou “FTP” coma o Filezilla... en fin. As posibilidades son infinitas, e o enumeralas é ridículo.
Sobre todo grazas á conexión a Internet, poderemos gozar da información que nos brindan milleiros de webs coma a Wikipedia, unha enciclopedia libre que non ten nada que envidiar ó Larousse ou á Encarta. Outras webs que nos poden proporcionar sustanciosos contidos son GoEar; similar ó YouTube, pero no canto de vídeos, trátase dunha páxina que serve audio, ou “CDDB”, unha base de datos de discos musicais universal.
E cada vez é mellor e máis interesante a oferta de software de calidade exento de licencias que podemos empregar en medio de tanta informática. Este software ten as vantaxes de que os usuarios non teñen que pagar as licencias de uso, ou “piratear” os programas infrinxindo así diversas leis. Este tipo de programas acostuman a ser gratis, a pesar de que non teñen por qué selo.
Outra vantaxe sería o feito de contar cun respaldo de desenroladores ó longo do mundo que están detrás da manufacturación do programa, por que, ó ser aberto. Un exemplo de software libre son os sistemas operativos LINUX, entre os cales está o cada vez máis coñecido “Ubuntu”, ou o desenrolado co respaldo da Xunta de Galicia “Galinux” (Os governos autonómicos de Extremadura e/ou Andalucía xa contaban con este tipo de software autodeseñado, como son o LinEx, ou o GuadaLinex, respectivamente).
Estes sistemas operativos son coma o Windows XP que pode ter calquera na casa, pero gratis, máis seguros, máis personalizables, e cunhas cantas diferencias técnicas. Tamén é software libre o coñecido navegador web “Mozilla Firefox”, o máis empregado en Europa, como xa dixen, e que nun principio estivo baseado no outrora famoso navegador “Netscape”.
O asunto é que hai mil formas de se conectar a este novo mundo dixital, no que, non hai escusa para non aprender un pouco máis cada día, pouco a pouco. Porque non é máis complicado que cociñar ou limpa-lo chan, e, por qué non?
A xente adoita crer que precisa dun televisor na casa. Coido que vai sendo hora de cambiar certos hábitos de consumo, e considerar cambiar a TV por un PC, que é o futuro, e aparte de tódalas beneficiosas características que poden aportar, os PCs pódense atopar dende módicos prezos ó redor dos 100 euros, en certos sitios, por exemplo.
