Co obxectivo de divulgar a literatura histórica e descubrir ao público os mellores autores, celébrase, do 10 ao 17 de outubro en Ourense Auria, a Semana da Literatura Histórica.
Enmarcada dentro da programación do Xacobeo, Auria traerá ata a capital provincial a escritores como Manuel Rivas, Alberto Vázquez-Figueroa, Xosé Carlos Caneiro, Juan Eslava Galán ou César Vidal, entre outros. Nos xardíns do Posío instalarase unha gran feira do libro, na que ademais de venta de exemplares tamén haberá presentacións e mesas redondas.
A Semana servirá tamén para que os lectores elixan a mellor novela do xénero que será nomeada como I Novela Inmortal, instalándose un monolito na Praza Bispo Cesáreo da cidade o último día da feira. Os lectores elexirán entre dez títulos clásicos deste xénero narrativo.
Texto: PGL/Ourense
(Máis información na edición en papel do periódico O Sil).
