“Dende o ano 1999 é posible estudar galego nos centros de educación secundaria de España” comentaba o responsable de Política Lingüística Anxo Lorenzo na súa visita á Universitat de Barcelona, onde se desenvolve o programa Galauda.
Grazas a este proxecto impulsado pola Universitat barcelonesa, no curso académico 2010-2011 estudan galego un total de 100 alumnos e alumnas de Secundaria. Os estudantes pertencen aos catro institutos cataláns que participan no programa: Arquitecte Manuel Raspall (Cardedeu), Margarita Xirgu (L’Hospitalet de Llobregat), Narcís Monturiol (Barcelona) e Sant Just Desvern.
Texto: O Sil/Redacción
(Máis información na edición en papel do periódico O Sil).
Durante o acto de recepción ao alumnado, o secretario xeral fixo fincapé nos principais obxectivos deste programa educativo, que “busca fomentar o respecto polas linguas e as culturas entre os adolescentes, promover a diversidade lingüística e cultural, favorecer a percepción do plurilisngüismo como unha riqueza e achegar dúas realidades próximas pero diferentes como son a catalana e a galega” afirmou Lorenzo, quen tamén se reuníu co profesorado da Universitat Autónoma de Barcelona e da Universitat de Barcelona.
