Ata o 10 de agosto aínda se poderán presentar solicitudes para optar á liña de axudas destinadas á mellora competitiva da minería da Consellería de Economía e Industria. Así se indica na orde publicada no DOG o pasado 9 de xullo. A liña conta cunha dotación económica de 800.000 euros e vai dirixida ás entidades sen ánimo de lucro que desenvolvan as súas actividades neste sector en Galicia.
O obxectivo é, segundo Industria, “apoiar e impulsar proxectos que se centren na investigación, na eficiencia das explotacións e instalacións, na mellora da seguridade e da saúde laboral, na protección ambiental, na investigación tecnolóxica, así como na propia promoción do sector”.
A consellería sinala tamén que con esta nova liña, “apoiase ás entidades non lucrativas en réxime de concorrencia competitiva. As axudas poderán chegar ao 80% das iniciativas subvencionables, e existe a posibilidade de que as entidades e asociacións ás que se lle aprobe a solicitude poidan obter anticipos do pagamento ata o 25% da cantidade a investir no proxecto”.
Texto: O Sil/Redacción Foto: Carlos G. Hervella
(Máis información na edición en papel do periódico O Sil).
