Eminentemente visual, con fotografías de cada tema e cun minivideo de entrada que “pretende ser escaparate das mellores paisaxes que ofrece a Ribeira Sacra, cun son ambiente real co obxectivo de trasladar ao usuario a este espazo vitícola único”.
Así é a nova páxina web da Ruta do Viño da Ribeira Sacra (www.ribeirasacra.org), que aposta tamén por outros soportes para promocionar os seus servizos como son un audiovisual promocional e paneis interpretativos.
Este novo material presentábase aos medios e aos asociados da ruta a mediados de decembro. O audiovisual leva por título “Somos Ribeira Sacra. Somos viño” e en apenas catro minutos pretende trasladar ao espectador a un lugar fascinante e cheo de opcións para o seu desfrute. Asemade colocáronse paneis interpretativos en Soutochao (Doade), nos embarcadeiros de Santo Estevo e de Belesar e en Quiroga (xunto á Casa da Cultura).
Texto: O Sil/Redacción
(Máis información na edición en papel do periódico O Sil).
