En xaneiro, o Consorcio de Valdeorras facía pública a memoria 2012, da que se desprende que por segunda vez, o número de intervencións dos bombeiros entre xaneiro e decembro, foi menor en relación cos exercicios anteriores, cun total de 201, fronte ás 215 do 2011 e as 235 do 2010, sendo a época estival a de maior actividade debido aos grandes incendios declarados na comarca no mes de agosto.
Por concellos, O Barco segue sendo o municipio onde se producen o maior número de alertas (o 35%) e no que respecta ao tipo de servizo, na memoria destacan as realizadas pola vaga de lumes forestais.
Seguen sendo numerosas as saías derivadas do gas natural así como os operativos relacionados con incendios de mobiliario urbano e tamén en incendios en vivendas especialmente de novembro a xaneiro. No tocante a accidentes de estradas os datos son similares aos de exercicios anteriores.
Texto: O Sil/Redacción
