Consegue o teu corazón entre o 21 de xaneiro e o 14 de febreiro nos establecementos de Obarcoaberto Centro Comercial e participa no sorteo de 14 ceas” para o 23 de febreiro. Esa é a invitación que fan dende o colectivo comercial barquense, dentro da campaña de namorados 2013.
Unha campaña na que participan “El arte del buen comer”, Nobuk Café, Pazo do Castro, Restaurante Fernando III e Tapería Al Natural, e cuxo sorteo se fará o vindeiro domingo 17 de febreiro, trala carreira popular por parellas organizada tamén polo centro comercial aberto, en colaboración coa delegación valdeorresa de atletismo.
Baixo o lema “O Barco namora”, a proba comezará en torno ás 12h. con saída dende a praza José Otero, coa peculiaridade de que as parellas deben correr unidas polos pulsos cunha cinta vermella, ata completar un total de 5.000 metros pola zona do malecón, cruzando o río pola pasarela e regresando ao punto de partida pola outra pasarela entre o casco vello do Barco e Viloira.
Texto e foto: Mónica G. Bellver
(Máis información na edición en papel do Periódico O Sil).
