Malia que aínda queda moita liga por diante, botando contas o presidente do Centro de Deportes Barco Daniel Ramos está tranquilo “só temos que ganar catro partidos para salvarnos e consolidar o equipo na categoría” di, polo que moi mal se lles ten que dar de aquí ao mes de maio cando rematará a liga, para non lograr o seu obxectivo.
E iso que de seguro que está desexando esquecer o último mes no que as cousas non lles saíron moi ben que digamos, con seis xornadas sen un vitoria.
Deixando aparte os problemas arbitrais que van dar moito de si, as lesións e as sancións deixaban ao equipo case sen efectivos. “Chegamos a ter ata nove baixas, por iso non ganamos partidos” di Nilo asegurando que pouco a pouco a situación vaise normalizando, e están recuperando aos xogadores “só nos quedan tres”.
A marcha de Víctor Vega e Hugo, tamén fixo mella no equipo e malia que parecía que Vega podería seguir co equipo puntualmente “ao final complicouse o tema novamente e vais ser difícil que poda xogar connosco” di o presidente do club, a pesares de que tanto o equipo como o propio xogador tiñan moitas esperanzas en que pudera seguir.
Texto: Mónica G. Bellver Foto: Carlos G. Hervella
(Máis información na edición en papel do Periódico O Sil).
