"Temos un artista no pobo. Hai que ver o ben o fai” dicían os veciños de Trives durante a Cea do Cocido de Piñeiro. Os mesmos que cada venres dende que comezou a nova edición de “Recantos” da TVG seguen o programa Luar para escoitar a Cristian Álvarez, o representante do Ourense oriental no concurso musical.
Por desgraza “esta é unha das zonas máis esquecidas de Galicia e eu sempre tentei involucrarme no día a día do meu pobo e agora máis, aportando o meu gran de area para que se dé a coñecer” di Cristian que sobre o escenario dao todo para tentar deixar o pavillón o máis alto posible.
Tal como el mesmo explica, o concurso botaba a andar a mediados de setembro de 2012 con 18 concursantes de toda Galicia, e non será ata xuño cando se coñeza ao ganador. De momento o representante de Ourense oriental pasou dúas rondas tendo no vindeiro venres 8 de febreiro a terceira actuación. Esa noite Cristian terá que defender o complicado tema de Antonio Molina Soy Minero.
Texto: Mónica G. Bellver Foto: Carlos G. Hervella
(Máis información na edición en papel do Periódico O Sil).
