Xa levaba un tempo á venda pero non era ata este xoves 5 de marzo, cando Jesús Salgado Álvarez, xornalista natural de Fradelo (Viana do Bolo) presentaba en casa o seu libro “Hasta que la herencia nos separe”.
O acto tiña lugar na Casa da Cultura de Viana presentado por Carlos Ferreiro González, director do IES Carlos Casares e nel, o autor avanzou as liñas do libro pero sobre todo, deu unha clase maxistral sobre herdanzas e testamentos: os tipos que hai, como se reparten, quen e en que cantidades se herda, a lexislación vixente (diferente en cada comunidade autónoma),…
Os Ruiz-Mateos, Llongueras, Thyssen, Inditex… Cada familia ten o seu propio ADN, e cando hai herdanzas por medio, os parentescos familiares desaparecden, os sentimentos remóvense e pais, fillos, irmáns e incluso primos, sacan o peor de si mesmos para levar a maior parte posible do pastel.
Son historias de cartos, de amor, de desamor, de duelos, ciumes e traizóns sobre o lugar que cada un ocupa na xerarquía familiar. Pleitos aos que tamén se suman as administracións públicas e privadas, e incluso a iglexia, así como os chamados “caza herdanzas”.
Neste libro, Jesús Salgado introduce ao lector de maneira amena e precisa no complexo mundo das herdanzas, pero tamén repasa os casos máis nomeados de pleitos familiares nos últimos tempos, dando resposta a preguntas como ¿ata que punto os fillos poden dicirlle ao perruqueiro Lluis Llongueras: “papá, estás despedido” da empresa que fundou? ou ¿Por que Juana Cebrián foi declarada herdeira universal do patrimonio de Encarna Sánchez?, entre outras moitas.
Fotos: Carlos G. Hervella.
Máis información na vindeira edición en papel do Periódico O Sil.
