O Concello de Barbadás acolle este domingo 8 de maio a primeira edición do Castro Trail de Sobrado, con carreira e andaina, na que está previsto que participen máis de 300 corredores e corredoras.
En canto ao itinerario da carreira, dende a organización explican que combinará todo tipo de terreos, tanto complexos coma suaves e discorrerá pola parroquia de Sobrado do Bispo e polos montes do Castro. En total serán 22 quilómetros para o trail e 17 para a andaina. E para repoñer forzas, ao longo de todo o percorrido os participantes terán catro avituallamentos.
A proba deportiva sumará ademáis outras actividades para integrar a todos os públicos e axudar á conciliación familiar co deporte. Así, haberá hinchables instalados na Praza de San Xoán para os máis cativos e que estarán baixo supervisión dun monitor. Ao final, haberá aperitivos para todos os participantes.