A conselleira do Medio Rural, Ángeles Vázquez e o presidente da Mancomunidade do Carballiño e tenente de alcalde do Irixo, Manuel Cerdeira, mantiveron hoxe, 9 de decembro, unha xuntanza para falar do reforzo do traballo para previr os incendios forestais.
O presidente mostrouse interesado en incrementar os recursos para a loita contra o lume. Para iso, ambos portavoces valoraron os acordos subscritos pola Consellería e polos que dispoñen dunha motobomba e varias brigadas de prevención e extinción. Ademais, esta mancomunidade integrada polos concellos de Beariz, Boborás, O Irixo, Leiro, Maside, Punxín, San Amaro e San Cristovo de Cea, recibiu tamén o apoio para os traballos de roza e tratamentos preventivos. en total, o ano pasado, recibiron preto de 94.000 euros a través das diversas liñas de axuda no eido da prevención e valoración.
Ángeles Vázquez mostrouse agradecida polo interese e dixo estar aberta a valorar novas formas de colaboración que axuden nesta loita “na que todas as administracións, cada unha na súa medida, deben de estar comprometidas”, dixo.
