Ata o vindeiro 26 de maio prolongarase a misión comercial inversa con Xapón que está a promover a Confederación Empresarial de Ourense (CEO) na provincia. A presentación da mesma tiña lugar na sede desta entidade na cidade das Burgas na mañá do 23 de maio.
Na misión participan Shiho Muramatso, Kayoko Ochiai e Yumi Akimoto, e Takahiro Kasuga, en representación das empresas Seikhosa Co. Ltda., O’Let Japan e Vox Trading Co., respectivamente. Trátase de tres importantes compañías importadoras que facturan máis de 200 millóns de euros.
No acto contábase coa presenza do presidente da Deputación, José Manuel Baltar; do alcalde de Ourense, Xesús Vázquez; do director xeral do Igape, Juan Cividanes; do xerente de Expourense, Alejandro Rubín; do presidente da Cámara de Comercio, Juan Carlos Parada; e, por suposto, do presidente da CEO, José Manuel Pérez Canal, entre outras autoridades
Fotos: Carlos G. Hervella.
