Malabarista, maxia, trapecista, antipodista, alambrista, escaleira libre nos pés, cocodrilos, personaxes de televisión e contos e, por suposto, pasallos. Son algúns dos ingredientes cos que o Circo Vienna Roller preparou o novo espectáculo que está presentando no Barco de Valdeorras.
Unha gran carpa dá cobertura ao “Circo Nacional de Austria” instalado fronte á Estación de Autobuses que permanecerá na vila valdeorresa ata o luns 23 de outubro para que toda a familia poida desfrutar dunha agradable, divertida e colorida tarde “que nunca esquecerá”, aseguran dende Vienna Roller.
Os horarios das funcións son: xoves e venres ás 18h; sábado ás 17 e ás 19:15h; domingo ás 12 e ás 18h; e luns ás 18h. coa que será a última función.
Fotos: Carlos G. Hervella.
