EconomíaEconomíaEn portadaÚltima hora

O Barco CCA celebra a súa asemblea anual

Na clausura contarase co alcalde da Veiga que falará sobre a certificación de “Destino Starlight” para Trevinca
Imaxe da asemblea do Barco Centro Comercial Aberto no 2014./ Foto: Carlos G. Hervella.
Imaxe da asemblea do Barco Centro Comercial Aberto no 2014./ Foto: Carlos G. Hervella.

O centenar de asociados do Barco Centro Comercial Aberto (CCA) celebrará o vindeiro 14 de outubro a súa asemblea anual. A reunión está convocada para as oito e media da tarde no salón de actos do edificio multitusos barquense e nela farase un balance das actividades e xestión realizadas ao longo do 2014.

Así na orde do día da asemblea inclúense, entre outros puntos, a memoria de actividades do pasado ano, a ratificación das novas solicitudes de afiliación, así como a liquidación das contas do 2014 e a previsión de orzamento para o 2015.

Ademais, seguindo a liña de anos anteriores, no acto de clausura o CCA barquense, que preside Ángel Álvarez, apostará por poñer en valor actividades e sectores do entorno desta asociación. Desta volta contarase coa presenza do alcalde da Veiga, Juan Anta, que explicará a importancia da certificación de destino turístico Starlight que Trevinca vén de conseguir este verán.

Artigos relacionados

Back to top button