Salvador Fernández Cardoso, que lidera por primeira vez a lista do PP en Manzaneda, defenderá nas vindeiras eleccións do 24 de maio un programa no que “se contempla o turismo como unha das claves para a creación de emprego no concello “. A aposta fundamental baséase no desenvolvemento turístico ligado á enorme riqueza paisaxística do municipio, “supoñendo así un decisivo impulso á economía e productores da zona”.
Pola súa banda, o presidente provincial do PP de Ourense, Manuel Baltar, sinala que “Manzaneda precisa dun goberno municipal que coñeza as potencialidades do municipio e saiba aproveitar os recursos en cooperación coas diferentes administracións. Unha aposta decidida polo territorio e a cooperación é o que precisa este municipio para poder poñer en valor todo o seu potencial”.
A lista do PP en Manzaneda está formada, dende o posto número 2 ao 7, respectivamente, por: Pedro Yáñez, Antonio García, José Antonio Villarino, Miguel Domínguez, Blas Rodríguez e José Basalo. Como suplente figura Carlos Pérez.