Os máis pequenos do centro entregaron o recadado polos alumnos para axudar aos refuxiados sirios
Non é a primeira vez que o CEIP Condesa de Fenosa do Barco colabora con Cruz Vermella Valdeorras. Nesta ocasión, foi con motivo da recadación solidaria de fondos para axudar aos refuxiados sirios que a ONG está levando a cabo.
Con este fin, hai uns días os voluntarios de Cruz Vermella deixaron no centro sobres nos que introducir as donacións, que serían repartidos a tódolos alumnos. Uns sobres que na mañá do 8 de outubro eran entregados cos cartos a dúas representantes da entidade, nun acto celebrado no patio do colexio no que participou toda a Comunidade Educativa.
Fotos: Mónica G. Bellver