Dar a coñecer no mercado exterior os seus viños e estar presentes noutros países é algo que a Asociación de Colleiteiros Embotelladores do Ribeiro considera clave para a supervivencia deste sector. De aí o interese da visita que o director de Internacionalización do Igape, Abel Veiga, realizaba o 21 de xullo á sede desta entidade ourensá, no Parque Naútico de Castrelo de Miño. Nela Veiga explicaba as novas liñas de actuación do Igape para a saída ao exterior de empresas galegas e tamén escoitaba as preguntas e suxerencias dos colleiteiros.