San Benito de Cova de Lobo (Barbadás) convertíase na mañá do 23 de xullo en escenario da presentación oficial do Escuadrón de Cabalería da Garda Civil, que desenvolverá este verán a súa actividade en Galicia no marco da “Operación Lumes”. O delegado do Goberno en Galicia, Samuel Juárez, participaba neste acto xunto aos integrantes deste escuadrón destinados na provincia de Ourense e ao xeneral xefe da 15 Zona da Garda Civil, José María Feliz Cadenas.
No encontro, no que tamén estiveron a conselleira do Medio Rural e do Mar, Rosa Quintana, e o subdelegado do Gobierno en Ourense, Roberto Castro, amosáronse as capacidades do Escuadrón de Cabalería da Garda Civil, que presta servizo de apoio á Xunta dende o pasado 1 de xullo e que integra o operativo, tanto preventivo como de investigación, que leva a cabo a Gardia Civil na loita contra incendios en Galicia.
O escuadrón que opera na comunidade galega está integrado por 16 cabalos e 20 gardas civís, que se reparten en dúas bases de operación, unha na provincia de Ourense e outra na de Pontevedra.
