O filme do valdeorrés Ignacio Vilar, competirá na Sección Oficial do 50º WorldFest-Houston (EE.UU.)

Sicixia, rodada na Costa da Morte, tamén participará no 35º Festival Cinéma d’Alès-Itinérances (Francia)

Fotograma do filme protagonizado por Monti Castiñeiras e Marta Lado.

A longametraxe Sicixia (Vía Láctea Filmes e TVG), dirixida polo valdeorrés Ignacio Vilar, será proximamente presentada a nivel internacional en dous festivais en Francia e EE.UU.

O filme galego protagonizado por Monti Castiñeiras e Marta Lado competirá na Sección Oficial do 50º WorldFest-Houston (Texas), o 3º festival máis lonxevo de EE.UU., na categoría de “Filme estranxeiro” onde opta aos seguintes galardóns: Grand Award (Mellor filme estranxeiro); REMI Special Jury Awards (Premio especial do xurado); REMI de Platino, REMI de Ouro, REMI de Prata e REMI de Bronce. A proxección de Sicixia terá lugar o domingo, 30 de abril, ás 17h. no The AMC Studio (Houston).

Por outra banda, o último filme de Ignacio Vilar representará o patrimonio material e inmaterial da Costa da Morte e a Rapa das Bestas de Sabucedo na 35ª edición do Festival Cinéma d’Alès-Itinérances en Alès (Francia). Tal como explican dende Vía Láctea Filmes, Sicixia participa na sección “Inédits” xunto a unha decena de longametraxes de ficción procedentes de todo o mundo, sendo a única producida integramente en España. A proxección terá lugar o vindeiro sábado, 25 de marzo ás 11h. no Cratère Théâtre (Alès).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies