O grupo Pándega porá música ao magosto nos Anguieiros (Quiroga)

Para reivindicar a importancia da castaña na contorna de Anguieiros-Montefurado (Quiroga), a Asociación Boca do Monte organiza para mañá, sábado 29 de outubro, unha xornada “castañeira” con diferentes actos.

De 11 a 13 horas realizarase un pequeno percorrido por Os Anguieiros para coñecer “caniceiras” ou “canizos” nos que antigamente se secaban as castañas. No transcurso do circuíto representantes de Caurelor, darán unha charla sobre a castaña e a súa experiencia persoal e profesional na comercialización deste produto. “A idea é que os veciños do lugar tamén participen contando as súas vivencias cando a castaña era tan importante para as familias de Os Anguieiros”, puntualizan dende Boca do Monte.