En torno ás doce da mañá do 26 de abril, un grupo de alumnos e profesores do IES Lauro Olmo do Barco de Valdeorras cruzaban o río nunha lancha neumática preparada para a ocasión e dirixida por ViaNova Aventura, dende o embarcadeiro de Porto da Barca ata o Areal de Viloira. Era unha das actividades do roteiro literario polas beiras do río Sil que levaron a cabo ao longo da mañá para conmemorar o Día Mundial do Libro.
Combinando actividades na natureza, a historia e o fomento da lectura, o programa no que participaron uns cen rapaces e quince profesores, desenvolveuse por grupos e incluíu a lectura en público nas beiras do río baixo árbores de ribeira; a visita á exposición sobre Florencio Delgado Gurriarán na Bibliteca Municipal do Barco; e a lectura sobre Carlos Casares dando comezo á conmemoración das Letras Galegas deste ano.
A actividade remataba na praza Andrés de Prada uníndose á reivindicación da figura do poeta valdeorrés Florencio Delgado Gurriarán dentro do programa “As letras de Florencio”.
Fotos: Carlos G. Hervella.