Máis de 600 alumnos de Ourense recibiron os premios que repartiu Gadis dentro do seu programa “Alimentes”. O obxectivo do mesmo era formar ao alumnado de xeito práctico e teórico sobre hábitos saudables.
O delegado de Área de Gadisa, Carlos González, fixo entrega destes agasallos (unha bicicleta, unha tablet e unha cámara de fotos) entre os estudantes dos diferentes centros educativos da cidade.
Máis de 7.000 escolares de entre 3 e 12 anos de Galicia e Castela e León formaron parte deste programa, que abrangue visitas aos Supermercados Gadis supervisadas por un educador que, de xeito práctico e ameno, orientou aos alumnos para a selección de produtos saudables, destacando tamén outros detalles relativos á cesta da compra, como as informacións das etiquetas ou as datas de caducidade.
Durante estas visitas, a compañía concede unha especial importancia ás seleccións de produto fresco, onde os alumnos reciben recomendacións para diferenciar os tipos de carne e peixe e son concienciados sobre a importancia de levar un estilo de vida activo e unha alimentación sá e equilibrada con produtos de tempada.
Dende o mes de febreiro até xuño, esta iniciativa foise complementando nas aulas con material didáctico que a compañía puxo a disposición dos docentes adaptado ao currículo oficial do segundo ciclo de Educación Infantil e de Educación Primaria de Galicia e Castela e León.
