O obxectivo é promover a igualdade de oportunidades e do trato no emprego entre aqueles con máis dificultades de acceso
A Cruz Vermella en Ourense fai balance do programa “Inclusión Activa”, unha iniciativa que, dende o ano 2000, vén formando a persoas maiores de 45 anos, en risco de exclusión social ou estraxeiras para axudarlles a encontrar un emprego. Neste ano, os cursos formaron a 90 persoas, 59 mulleres e 31 homes, dos cales preto de 40 lograron atopar un emprego.
Por outra banda, un total de 57 persoas recibiron formación nos cursos de “Operacións básicas de restaurante e bar, “Persoal auxiliar de comercio” e “Atención socio-sanitaria a persoas dependentes en institucións e/ou domicilios” e actualmente continúa un grupo de 10 persoas nun curso de “Persoal auxiliar de almacén”.