O Servizo de Hospitalización Domiciliaria renova a súa flota de vehículos

Sete modelos Renault Clío serán os encargados de desprazar aos sanitarios para atender aos pacientes que se atopan ingresados nos seus domicilios

A Unidade de Xestión Integrada (EOXI) de Ourense, Verín e O Barco de Valdeorras vén de renovar a súa frota de vehículos para o servizo de Hospitalización a Domicilio (HADO). Estes sete novos vehículos adquiríronse a través dunha concesión e substituirán aos que xa se viñan empregando até o de agora que eran propiedade do Complexo Ourensán.

Na presentación de hoxe, 10 de abril, diante da porta de entrada do novo edificio de Hospitalización do CHUO, o Xerente da EOXI, Dionisio López, sinalou que estes novos vehículos están “dotados coa última tecnoloxía en sistemas de navegación, para facilitar o ao persoal sanitario a chegada a aqueles domicilios máis dispersos”, apuntou. En canto ao servizo de Hospitalización a Domicilio, López remarcou que “máis de 340.000 posibles pacientes veranse beneficiados del”, unha atención que o xerente cualificou de novidosa e que vai ser o futuro.

Pola súa banda, o xefe de HADO, Idelfonso Cejudo, probaron hoxe estes novos vehículos e todos estaban moi entusiasmados ante esta mellora de equipamento. O xefe de do servizo amosouse satisfeito. Tamén contou as características que ten o servizo que dirixe: “un total de 1.100 pacientes na provincia gozan da hospitalización a domicilio”, cifrou. Segundo o doutor, a Hospitalización a Domicilio quere dicir que o paciente está canda a súa familia, nun entorno máis cómodo “que é a súa casa”. Asemade, apuntou que este tipo de hospitalización ten unha atención máis humana e personalizada por parte dos sanitarios.

Hospital na casa

A Unidade de Hospitalización a Domicilio ten por obxectivo o mantemento dos coidados hospitalarios naqueles pacientes que, si ben xa poden ser dados de alta no hospital, aínda precisan duns coidados médicos e de enfermería especializados, que sirvan de ponte entre a atención especializada e a primaria.

A principal vantaxe deste modelo de hospitalización é que permite a recuperación do paciente nun entorno coñecido, mais saudable e favorable para a plena recuperación que o hospital, e baixo uns coidados especializados que evitan a sobrecarga de traballo ou illamento da familia ante a enfermidade do seu achegado.

Fotos e texto: Carlos Asensio.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies