Os alumnos de 1º e 2º de Primaria do centro barquense traballan no proxecto “Sente Galicia”
Inspirados no lema “Sente Galicia, a nosa terra!” os alumnos de 1º e 2º de Educación Primaria do colexio pluringue Divina Pastora do Barco de Valdeorras, traballaron nun proxecto de aula “moi motivador, lúdico e cheo de novas experiencias”, aseguran dende o centro.
Baseándose no traballo cooperativo, nas distintas dinámicas dentro e fóra da aula e tendo en conta as intelixencias múltiples, os alumnos desfrutaron aprendendo xeografía, folclore, gastronomía, xogos populares e literatura galega.
O broche ao proxecto foi a parte práctica sobre o aprendido, a través de creativos obradoiros: de elaboración dun faro, saco de bolillos ou instrumentos musicais galegos (na galería de imaxes).
Fotos cedidas.
