Os amigables entre as seleccións galega e francesa de fútbol gaélico, xuntaron a afeccionados de toda Galicia

Os partidos masculino e feminino, celebráronse na tarde do 18 de marzo no Campus de Ourense

De “éxito” califican dende o Auriense FG o dobre encontro amigable entre as seleccións galega e francesa de fútbol gaélico, disputado esta fin de semana no campo de rugbi do Campus de Ourense.

Tal como explican dende a organización (a Asociación Galega de Fútbol Gaélico), a xornada do sábado 18 de marzo comezou coa recepción dos combinados franceses e a celebración dunha rolda de prensa cos capitáns e corpo técnico de ambos combinados “onde se repasou a actualidade do fútbol gaélico galego e europeo e as sensacións dos protagonistas da tarde”.

Xa pola tarde, o encontro feminino comezaba de cara para o conxunto francés que “tras 3 temperáns goles chegou a lidear o marcador”. Mediada a primeira parte a selección galega reaccionou e acurtou distancias ata chegar ao descanso dos primeiros 30 minutos con 4 puntos de desvantaxe. Na segunda parte consolidouse a remontada das galegas, nembargantes “un par de desaxustes defensivos, case chegados ao desconto, permitiron ás francesas igualar a contenda rematando nun empate a 28 puntos”, explican dende a organización.

Tralo feminino, comezaba o encontro masculino, moi parello ao principio. Porén, “os galegos comezaron a cometer algunha imprecisión e os franceses, con máis acerto anotador, levaron a iniciativa do xogo chegando ao descanso 10-20, desvantaxe demasiado ampla para o visto no campo”, aseguran dende a organización. Con todo, na segunda parte o conxunto galego “derrubábase física e psicoloxicamente”, mentres os franceses chegaron a encadear 50 minutos cun 100% de acerto anotador a paus, chegando ao final co 17-50 no marcador.

Os partidos, que foron os primeiros da historia televisados en directo fóra de Irlanda (a través da TVG2), trouxo a curiosos e siareiros do deporte de toda Galicia. Cun tempo excepcional “os encontros non defraudaron e puidemos desfrutar do altísimo nivel de ambas seleccións”, aseguran dende o Auriense FG, anfitrión do evento, adiantando que trala “resaca” do partido internacional, os equipos da cidade regresan á competición. Avindeira fin de semana, o equipo feminino desprázase a Coruña para xogar contra Átabras. O equipo masculino, pola súa banda, o sábado afronta un encontro crucial nas súas aspiracións de cara ao ascenso contra o Mecos no Grove, onde se disputan o liderezgo.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies